पुँजीगत लाभकर गणना विवाद मिलेपछि लगानीकर्ता संगठनको यस्तो आयो विज्ञप्ति

पुँजीगत लाभकर गणना विवाद मिलेपछि लगानीकर्ता संगठनको यस्तो आयो विज्ञप्ति

भारित औसत लागत विधिबाट पुँजीगत लाभकर गणना विवाद समाधान भएको भन्दै लगानीकर्ताका संगठनहरुले प्रसन्ता व्यक्त गरेका छन् । लगानीकर्ताका पाँच वटा संगठनले बुधबार संयुक्त विज्ञप्ति जारी गरी यसक्रममा सहयोग गर्ने सबैलाई उनीहरुले धन्यवाद दिएका छन् । अर्थ मन्त्रालयका राजस्व सचिवको पहलमा बुधबार बसेको सर्वपक्षीय बैठकले २०५८ सालदेखि २०७६ असार मसान्तसम्मको मूल्यलाई औसत लागत कायम गरी आधार मूल्य (लागत मूल्य) कायम गर्ने सहमति भएको हो ।

भारित औसत लागत विधिबाट पुँजीगत लाभकर गणना विधि प्रयोगमा ल्याइए पनि कट अफ डेट नतोकिएकाले समस्या परेको थियो । अब यस समयलाई आधार मानेर औसत आधार तथा लागत निकालिने भएपछि पुँजी बजारमा देखिएको समस्या समाधान भएको छ ।

अब धितोपत्र बोर्डको सञ्चालक समिति बैठकले यसलाई अनुमोदन गरी कार्यान्वयनमा ल्याउनेछ । बुधबारको बैठकमा अर्थ मन्त्रालय सहित, धितोपत्र बोर्ड, आन्तरिक राजस्व विभाग, लगानीकर्ताका संगठन, ब्रोकर एसोसिएसन, नेप्से तथा सीडीएससीका प्रतिनिधिहरु सहभागी थिए । 

nepalinepse

Leave a Reply

Your email address will not be published. Required fields are marked *

WP2Social Auto Publish Powered By : XYZScripts.com